sru:version: 1.2; sru:query: fcs.rf="mecmua.4_56"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.4_56"; sru:baseUrl: ; fcs:returnedRecords: 1; fcs:duration: PT0.037S PT0.05S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.4_56</phrase></query>)];

hezec: mefāʿīlün ‑ mefāʿīlün ‑ feʿūlün

Bu mektūbāt her kim qıla ezber
Ser‑ā‑ser ʿilm içün ola server

Doġa başına devlet āfitābı
Eger ḫıfẓ [!] ėde dilden bu kitābı

Ki zīrā ̮evvel qalem‑dür ʿilm‑i ūstād
Qamu ʿilm ehl[i] bundan alasuz ad

Taʿallum yāftī ʿilm-i qalam līk
Ki yoqdur hĭç hüner bundan ola yėg

Müyesser ėde inşāʾa r‑raḥmān
Ṭaleb ėden kişiye vėre sübḥān

Qalem inşā siyāqat‑dur bu mektūb
Oqunduqda var‑ise düşe merġūb

Ḥuṣūṣā [!] pādişăhlar ḥükmine hem
Muqayyed olmaq‑ile oldı muḥkem

Şerīʿat dīn ü [...] hem ḥaqīqat
Qalemden ẓāhir oldı cümle ḥikmet

Zebūr İncĭl daḫı Tevrāt Furqān
Vücūda getürüpdür ḥāme [!] yeksān

Qalanın var buña göre qıyās ėt
Qalemle özüñi ʿālemde ḥāṣ [!] ėt

Niçün ey merd‑i nĭk ṣuç ėtme taqṣīr
Kitābet birle milletüñ [...] sīr

Ki ḥüsn‑i ḥaṭ [!] cemāl‑i dil‑rübādur
ʿAcāyib ṣūret‑i naqş‑i ḥudādur [!]

Ba‑navīs tā gar mānad bāqĭ ḥaṭṭān [!]
Ki qalmaz mīve‑i ʿömr‑i diraḥtān [!]

Qalem ʿilm ehline çün oldı miftāḫ [!]
Müyesser eyle bu bāb[ı] fettāḫ [!]

Bu dem ḥatm oldı evṣāf‑i kitābet
Bi‑ʿavni ḥaqq oquna tā qıyāmet

Añarsa bizi her kim şefqat‑ile
Sevindürsün ḥaq anı raḥmet‑ile